Кавказский узел լրատվական կայքը տեղեկացնում է, որ վրացական արհմիություններում դրամահավաք է սկսվել, սոմալիացի ծովահենների մոտ պահվող Վրաստանի քաղաքացիների փրկագինը վճարելու համար: Այս պահին գերության մեջ է Վրաստանի 15 քաղաքացի, որոնք հունական նավի անձնակազմի անդամներ են:
Ծովահենները անցած տարվա աշնանից նրանց ազատման համար պահանջում են մեկ միլիոն դոլար: Գերության մեջ հայտնվելուց հետո, Վրաստանում դրամահավաք ակցիաներ են կազմակերպվել, այդ թվում` էստրադայի աստղերի մասնակցությամբ:
Սակայն հավաքված գումարը բավարար չէ վրացի նավաստիներին ազատելու համար: Վրաստանի իշխանությունները պաշտոնապես հայտարարել են, որ չեն միջամտելու Հունաստանի և ծովահենների միջև ընթացող բանակցություններին:
Սակայն որոշ տեղեկություններով, վրացական կողմը ոչ պաշտոնապես փորձում է կարգավորել խնդիրը:
