«Առաջին լրատվականի» այն հարցին, թե ինչո՞ւ վերջին քսան տարվա իրադարձությունները չեն արտացոլվում գրականության մեջ, գրականության ինստիտուտի փոխտնօրեն Վարդան Դևրիկյանն ասաց, որ Խորհրդային Միության փլուզումից հետո, ըստ էության, որևէ բնագավառում նոր կերպար չի սեղծվել:
«Որևէ հասկացություն, նոր կերպար չկա, միգուցե դրա համար երկար ժամանակ է պետք, որպեսզի վերջին քսան տարվա բոլոր իրադարձությունները` հաղթանակ, անկախություն, ինչու չէ, նաև քաղաքական դեպքերը, արտացոլվեն գրականության մեջ: Միգուցե ստեղծագործողն ինքն իր համար պետք է պարզի, թե ինչ է ուզում գրել կամ չգրել, ես դժվարանում եմ պատասխանել»:
Խոսքի վերջում ավելացրեց և վստահեցրեց, որ մենք այսօր ունենք գրականություն, որը միգուցե չի կարողանում իրականությունը մարսել. «Բոլոր նրանք, ովքեր հրապարակի վրա են, դեռ կապված են անցումային, խորհրդային շրջանի հետ: Խորհրդային գրականության ուժի կեսը նրա մեջ է եղել, որ մարդկանց չէին թողնում այսինչ բանը գրել, և նրանք դիմում էին որոշակի այլաբանության: Գեղարվեստական գրականության գլխավոր արժանիքներից մեկը այլաբանությունն է, այսօր այդ բանը չկա, չնայած ստեղծագործական շնորհք ունեցող մարդիկ շատ են»:
