Այսօր Եվրամիության արտգործնախարարները քննարկելու են Բելառուսի հանդեպ պատժամիջոցներ կիրառելու հարցը: Այս տեղեկությունը տարածել են ռուսական լրատվամիջոցները` ԵՄ-ի աղբյուրներին հղում անելով: ԵՄ-ի 27 ներկայացուցիչները որոշում են ընդունել պատժամիջոցներ կիրառել Բելառուսի նախագահ Ալեքսանդր Լուկաշենկոյի և նրա կառավարության դեմ: Հունգարիայի և Շվեդիայի արտգործնախարարները հայտարարել են, որ պատժամիջոցների շարքում քննարկվելու է նաև Բելառուսի ԵՄ մտնելու հարցը: ԵՄ պաշտոնյաները համոզված են, որ Բելառուսի կառավարությունը պատասխանատու է ընդդիմության նկատմամբ վայրագ վերաբերմունքի համար:
2010 թ. դեկտեմբերի 10-ին նախագահական ընտրություններից հետո կազմակերպված ցույցի մասնակիցները ձերբակալվել են զանգվածային անօրինություններ կատարելու մեղադրանքով:
Հիշեցնենք, որ հունվարի 27-ին բելառուսական խորհրդարանում Լուկաշենկոն հայտարարել է, որ չի վախենում ԵՄ-ի պատժամիջոցներից: Նրա խոսքով, դեկտեմբերի 19-ին ընդդիմության ցույցը ցրելով ` իշխանությունը պաշտպանել է պետական անվտանգությունը:
