ՌԴ քննչական ծառայությունը դատարան միջնորդագիր է ներկայացրել Պետդումայի պատգամավոր Աշոտ Եղիազարյանի նկատմամբ հեռակա ձերբակալություն կիրառելու վերաբերյալ: Այս մասին հաղրոդում է lenta.ru-ն:
Բացի այդ, կալանք է դրվել Եղիազարյանի ունեցվածքի վրա: Նրան արգելել են շահագործել 13 հազար քառակուսի մետրանոց մի շինություն, որը գտնվում է Մոսկվայի կենտրոնում: Դա «Դաև Փլազա» կենտրոնն է:
Ավելի վաղ կալանք էր դրվել «Եվրոպարկ» կոմպլեքսի վրա, որը գտնվում է Մոսկվայի ամենահարուստ թաղամասերից մեկում` Ռուբլյովկայում:
Հիշեցնենք, որ Աշոտ Եղիազարյանի նկատմամբ հարուցվել է քրեական գործ, որով նա մեղադրվում է խարդախությամբ 2 մլրդ ռուբլի հափշտակելու մեջ:
Անցած տարվա ամառվանից Եղիազարյանը գտնվում է Լոս Անջելեսում: Նա հայտարարել է, թե կարող է վերադառնալ Ռուսաստան, սակայն վստահ չէ, որ իր իրավունքներին և կյանքին վտանգ չի սպառում: