Թուրքական Cihan լրատվական գործակալության փոխանցմամբ՝ Թուրքիայի հարավարևելյան հատվածում ընկած Հաքքարի նահանգի Շեմդինլի շրջանում «Քրդստանի աշխատավորական կուսակցության» (PKK) զինյալները հարձակվել են Դերեջիք քաղաքի մոտ պարեկություն անող զինվորականների վրա:
Քուրդ զինյալներն ականանետով գնդակոծել են թուրք զինծառայողներին: Նախնական տվյալներով՝ վիրավորվել է 4 զինծառայող և 1 քաղաքացիական անձ: Իրաքի սահմանի մոտ տեղի ունեցած այդ բախումը գրանցվել է տեղական ժամանակով ժամը 14.40-ին:
Հարձակումից հետո թուրքական կողմը տվյալ տարածաշրջանում իրականացրել է լայնամասշտաբ որոնողական գործողություններ, որոնցում ներգրավել է «Կոբրա» տիպի ուղղաթիռներ և 2 մարտական ինքնաթիռ: Հարձակումից հետո քուրդ զինյալները հեռացել են Իրաքի ուղղությամբ:
Հիշեցնենք, որ այսօր PKK-ի զինյալները Հաթայ նահանգում սպանել են Ժանդարմերիան ներկայացնող 3 թուրք սպաների:
