Թուրքական Zaman թերթի փոխանցմամբ՝ Իսրայելի ռազմաօդային ուժերի ինքնաթիռները երկուշաբթի բազմիցս խախտել են ինքնահռչակ Հյուսիսային Կիպրոսի օդային տարածքը: Այս մասին հայտարարել է Թուրքիայի զինված ուժերի գլխավոր շտաբը:
Վերջինիս հաղորդմամբ՝ իսրայելական ինքնաթիռները 8 րոպեի ընթացքում 5 անգամ ներխուժել են Հյուսիսային Կիպրոսի օդային տարածք: Ի պատասխան՝ Թուրքիայի ռազմաօդային ուժերի հրամանատարությունը դրանց ընդառաջ է ուղարկել իր ինքնաթիռներին, որից հետո իսրայելական ինքնաթիռները լքել են Հյուսիսային Կիպրոսի տարածքը: