Ըստ Սյունիքի մարզպետարանի առողջապահության և սոցիալական ապահովության վարչության պետ Աշոտ Ծատրյանի` մարզի բոլոր բուժհաստատությունները երկրորդ մակարդակի բուժհաստատություններ են համարվում։ Դրանք հագեցված են համապատասխան սարքավորումներով, դեղորայքի խնդիր նույնպես չունեն։
Անցած շահագործման է հանձնվել «Զանգեզուր սրտաբանական կենտրոնը», նորոգվել են Գորիսի և մասամբ Կապանի հիվանդանոցները։ Քաջարանի բուժհաստատության նորոգման հարցը քննարկման փուլում է։ Մեղրիի ու Ագարակի հիվանդանոցների վերամիավորումից հետո նոր շենք պետք է կառուցվի։ Սակայն շենքային բավարար պայմանները բավարար չեն մարդկանց կյանքը փրկելու համար։ Մարզերի բնակչությունը չի վստահում տեղի բժիշկներին։ Ամենափոքր հնարավորության դեպքում հիվանդը մայրաքաղաք է մեկնում։
Մարզում հրատապ է բժիշկ-մասնագետների խնդիրը։ Այժմ աշխատում է 277 բժիշկ, իսկ վերջին մեկ տարում ընդամենը 9 երիտասարդ կադր է վերադարձել Սյունիք։