Թուրքիայում ԱՄՆ նորանշանակ դեսպան Ֆրենսիս Ռիչարդոնեն Անկարայում հանդիպել է Թուրքիայի նախագահ Աբդուլլահ Գյուլի հետ և նրան հանձնել իր հավատարմագիրը:
Հանդիպմանը դեսպանը ներկայացրել է նաև իր կնոջն ու դեսպանության աշխատակիցներին և Գյուլին է փոխանցել Բարաք Օբամայի ուղերձը:
Թուրքիայում ԱՄՆ դեսպանի պաշտոնը թափուր էր անցած տարվա հուլիս ամսից, երբ նախկին դեսպան Ջեյմս Ջեֆրին դեսպան էր նշանակվել Իրաքում:
Ռիչարդոնեի թեկնածության հաստատումը Սենատում հետաձգել էր սենատոր Սեմ Բրաունբեքը, սակայն անցած տարվա դեկտեմբերին նախագահ Օբաման Ռիչարդոնեին նշանակեց դեսպանի պաշտոնում: