Ռուսաստանում Վլադիմիր Պուտինի՝ նախագահի պաշտոնը ստանձնելուց հետո ԱՄՆ-ը կշարունակի այդ երկրի հետ հետ հարաբերություններում պրագմատիկ մոտեցման նախկին քաղաքականությունը: Այս մասին հայտարարել է ԱՄՆ պետքարտուղարի Եվրոպայի և Եվրասիայի հարցերով տեղակալ Ֆիլիպ Գորդոնը՝ ելույթ ունենալով Սենատի միջազգային կոմիտեի լսումներում:
«Ինչպե՞ս կզարգանան մեր հարաբերությունները նախագահ Պուտինի հետ: Կտեսնենք: Ես միայն կարող եմ ասել, որ մենք որոշել են շարունակել պրագմատիկ մոտեցման փորձը, որը կիրառում էինք նախկինում,- մեջբերում է RIA Novosti-ն Գորդոնի խոսքերը։- Մենք ուղիներ ենք փնտրում Ռուսաստանի հետ համագործակցության համար, որոնք կհամապատասխանեն մեր ազգային շահերին: Բայց ոչ ոք չի կարող կանխատեսել ապագան: Սակայն վարչապետ Պուտինը մասնակցել է բոլոր պայմանավորվածությունների կնքմանը, և պատճառ չկա ենթադրելու, որ իր նոր պաշտոնում նա կարող է փոխել հայացքները»:
Գորդոնի խոսքերով՝ Մոսկվայի հետ հարաբերություններում հասած հաջողությունների թվին կարելի է դասել СНВ-3 համաձայնագիրը, Աֆղանստան բեռների տեղափոխման շուրջ ձեռք բերված պայմանավորվածությունը, խաղաղ ատոմի ոլորտում համագործակցության շուրջ համաձայնագիրը, ինչպես նաև ՄԱԿ-ի ԱԽ-ում համատեղ աշխատանքները և Ռուսաստանի՝ ԱՀԿ-ին անդամակցելու շուրջ բանակցությունները:
Գորդոնը սենատորներին հիշեցրել է, որ Պուտինը չի ժամանի Քեմփ Դևիդ G8-ի գագաթնաժողովին՝ նախարարների կաբինետի ձևավորման գործընթացքում զբաղվածության պատճառով: