ԱՄՆ փոխնախագահ Ջոզեֆ Բայդենը ներողություն է խնդրել Բարաք Օբամայից՝ միասեռ ամուսնությունների աջակցության մասին հայտարարության հարցում նրան «շրջանցելու» համար: Այս մասին հաղորդում է ABC հեռուստաալիքը՝ վկայակոչելով ԱՄՆ վարչակազմի իր աղբյուրը:
Մայիսի 6-ին Բայդենը MSNBC հեռուստաալիքին տվյած հարցազրույցում նշել էր, որ նորմալ է վերաբերվում միասեռ ամուսնություններին: Դրանից մի քանի օր անց՝ մայիսի 9-ին, Օբաման արդեն АВС-ին տված հարցազրույցում նշեց, որ միասեռական զույգերը պետք է պաշտոնապես ամուսնանալու հնարավորություն ստանան: Նման հայտարարություն ԱՄՆ նախագահի կողմից արվում է պատմության մեջ առաջին անգամ: Երեկ АВС հեռուստաալիքը հաղորդեց, որ Օբամայի հայտարարությունը միասեռ ամուսնությունների մասին նախատեսվում էր մեկ շաբաթ ուշ, սակայն Բայդենի հայտարարությունից հետո Օբամայի վարչակազմը ստիպված է եղել հապշտապ շտկումներ մտցնել նախագահի նախընտրական ռազմավարության և գրաֆիկի մեջ:
«Բայդենիը ներողություն է խնդրել իր ղեկավար Օբամայից այն բանի համար, որ միասեռ ամուսնությունների մասին իր հայտարարությամբ առաջ է անցել: Նախագահի և փոխնախագահի միջև զրույցը տեղի է ունեցել երեկ Օվալաձև կաբինետում՝ АВС-ին տված Օբամայի հարցազրույցի ձայնագրությունից առաջ»,- մեջբերում է հեռուստաալիքը վաչակազմի ներկայացուցչին:
Նրա խոսքերով՝ Բայդենի հայտարարությունը նրա կողմից էքսպրոմտ է եղել և չէր նախատեսվում նախընտրական ռազմավարությամբ:
«Փոխնախագահը զղջում է իր արարքի և այն բանի համար, որ շրջանցել է նախագահին իր հայտարարությամբ, որը նախատեսվում էր անել այս ամիս ավելի ուշ: Նա չէր ցանկանում առաջ անցնել նախագահից»,- ասել է աղբյուրը:
Երեկ Բայդենի գրասենյակը հայտարարել է, որ փոխնախագահը չի պատրաստվում ազդեցություն ունենալ Օբամայի ծրագրերի վրա:
«Նախագահն առաջնորդ է եղել առաջին օրվանից… Եվ փոխնախագահը չի պատրաստվում դա վիճարկել»,- ասվում է Բայդենի ներկայացուցչի հայտարարության մեջ:
Միասեռ ամուսնությունների և աբորտների թեման ԱՄՆ-ում ամենաքննարկվող հարցերից են հատկապես նախագահական ընտրությունների նախօրեն: Միասեռ ամուսնությունների օրինականացման օգտին հանդես են գալիս դեմոկտրատները, որոնց նախագահական ընտրություններում կներկայացնի գործող նախագահ Բարաք Օբաման: Մինչդեռ հանրապետականները կարծում են, որ դա չպետք է թույլատրել: Հանրապետականների ամենահավանական թեկնածուն համարվում է Մասաչուսեթսի նախկին նահանգապետ Միթ Ռոմնին:
