Հռոմի կինոփառատոնի կազմակերպիչները միջոցառման անցկացումը տեղափոխել են նոյեմբեր: Ինչպես գրում է La Reppublica պարբերականը, կինափառատոնը կանցկացվի նոյեմբերի 9-17, մինչդեռ նախկինում այն անցկացվել է հոկտեմբերի երկրորդ կեսին:
Ժամկետների երկարաձգումը եղել է կինոփառատոնի նոր ծրագրային տնօրեն Մարկ Մյուլլերի գլխավոր պայմանը: Նա արդեն 8 տարի է ղեկավարում է Վենետիկի կինոփառատոնը: Մյուլլերը պնդել է, որ կինոփառաատոնի անցկացման ժամկետները պետք է հետաձգվեն, որպեսզի ժամանակային տարածություն պահպանվի Վենետիկի, Տորոնտոյի և Պուսանի կինոփառատոնների միջև, որոնք անցկացվում են համապատասխանաբար սեպտեմբերին, սեպտեմբերին և հոկտեմբերին:
Մյուլլերի նախաձեռնույթունը հարուցել է Թուրինի իշխանությունների դժգոհությունը, որտեղ նոյեմբերի 23-ից դեկտեմբերի 2-ը անցկացվելու է տեղի կինոփառատոնը:
Կինոփառատոնի ղեկավարությունը Մյուլլերին ծրագրերի տնօրենի պաշտոնում նշանակելու մասին հայտարարել էր մարտի կեսերին: Նրա հետ երեք տարով պայմանագիր է կնքվել: Յուրաքանչյուր տարի նա 120 հազար եվրո կստանա:
Մյուլլերի առջև դրված առաջնահերթ հանձարարությունն է Հռոմի կինոփառատոնը բարձրացնել Վենետիկի կինոփառատոնի մակարդակին, այդուհանդերձ Հռոմի կինոփառատոնի համար բյուջեից առանձնացվել է 11, իսկ Վենետիկի փատռատոնի համար 7,5 միլիոն դոլար: Կինոփառատոնի մրցակցային ծրագիրը դեռևս հայտնի չէ:
Հռոմի կինոփառատոնն առաջին անգամ անցկացվել է 2006-ին: Առաջին գլխավոր մրցանակը ստացել է ռեժիսոր Կիրիլ Սերեբրեննիկովը՝ «Զոհ ձևանալով» ֆիլմի համար: