CNN Türk-ին Դամասկոսում տված հարցազրույցի ժամանակ քաղաքական և ԶԼՄ-ների հարցերով Սիրիայի նախագահ Բաշար Ասադի խորհրդական Բուսեյնա Շաբանը մեկնաբանել է Թուրքիայի վարչապետ Ռեջեփ Էրդողանի այն հայտարարությունը, թե Ասադի ռեժիմը սպառել է իրեն և նրա վերջը մոտ է.
«Խնդիրները չեն կարգավորվում սպառնալիքներով: Մենք հերքում ենք սահմանի խախտման մասին մեղադրանքները: Թուրքական սահմանից մեր երկիր են ներթափանցում զինված խմբավորումներ: Այդ խնդիրները լուծվում են ոչ թե ՆԱՏՕ-ին օգնության կոչեր անելով, այլ՝ լավ հարաբերություններով:
Զարմանալիորեն իրարամերժ հայտարարություններ են անում ՆԱՏՕ-ի գլխավոր քարտուղար Ռասմուսենն ու Էրդողանը: Նրանցից առաջինը նշում է, որ ՆԱՏՕ-ն չի ներխուժի Սիրիա, իսկ երկրորդը խոսում է ՆԱՏՕ-ի կանոնադրության 5-րդ հոդվածի համաձայն Սիրիայում արտաքին միջամտության հնարավորության մասին:
Ինչ վերաբերում է սիրիացի փախստականներին, ապա Հորդանանում առկա 120,000 սիրիացի փախստական, սակայն այնտեղ չկա գեթ մեկ վրան: Մենք վստահ ենք, որ Թուրքիան հովանավորում է սիրիացիների փախուստն իր տարածք: Վրանային ճամբարը պատրաստ է եղել մինչև սիրիացիների գալը: ԱՄՆ-ի կողմից Իրաքի օկուպացման ժամանակ մենք մեր դռները բացեցինք 1.5 միլիոն իրաքցի փախստականների առջև, սակայն ոչ մի անգամ չբարձրաձայնեցինք այդ մասին»:
