Մոսկվայի կենտրոնում զանգվածաբար բերման են ենթարկում ընդդիմության ներկայացուցիչներին

Այսօր վաղ առավոտյան Մոսկվայում մեկ օրվա մեջ երկրորդ անգամ ցրվել են մետրոյի «Բարիկադնայա» կայարանի մոտ անցկացվող «ժողովրդական զբոսանքները», որ անցկացնում է ընդդիմությունը։ Բերման են ենթարկվել տասնյակ մարդիկ, այդ թվում՝ ընդդիմության առաջնորդներից մեկը՝ Ալեքսեյ Նավալնին։ Այս մասին Նավալնին գրել է Twitter-ի իր էջում։

Հիշեցնենք, որ դրանից մի քանի ժամ առաջ Նավալնին կրկին բերման էր ենթարկվել՝ չարտոնված զանգվածային միջոցառում կազմակերպելու համար։ Նրա հետ բերման էր ենթարկվել նաև հայտնի հեռուստահաղորդավար Քսենիա Սոբչակը։

Վերջին օրերին Ռուսաստանի ընդդիմությունը նախագահ Պուտինի երդմնակալության կապակցությամբ «քաղաքական զբոսանքներ է» սկսել Մոսկվայի տարբեր հատվածներում՝ բողոքելով նրա վերընտրվելու դեմ։