ՌԴ նախագահ Վլադիմիր Պուտինը հայտարարել է, որ հնարավոր չէ հետաձգել Ռուսաստանի՝ Առևտրի համաշխարհային կազմակերպություն մտնելու հարցը:
Պուտինը հայտարարել է, որ Ռուսաստանն ԱՀԿ–ին անդամակցելու հարցը մեկ-երկու տարով հետաձգել չի կարող: «Դա կնշանակի, որ մենք ԱՀԿ չենք մտնում: Կան կազմակերպության կանոններ, և մենք պետք է անդամ դառնանք կես տարուց»,- ասել է նա:
Նա ընդգծել է, որ Ռուսաստանն այս հարցի շուրջ 17 տարի բանակցություններ է վարել: «Մենք կարող ենք անդամ չդառնալ, բայց դա արդեն այլ խնդիր է»,- շեշտել է Պուտինը:
Հիշեցնենք, որ Ռուսաստանի՝ Առևտրի համաշխարհային կազմակերպությանը միանալու արձանագրությունը ստորագրվել է անցած տարվա դեկտեմբերի 16-ին: Պետդուման այս փաստաթղթի վավերացման վերաբերյալ քննարկումներ կանցկացնի հունիսին:
