Հակառակորդը Հայաստանի մասին ամեն ինչ գիտի` գիտի, որ ընտրություններ են, սոցիալ-տնտեսական իրավիճակի մասին ևս գիտի: Այսօր լրագրողների հետ հանդիպման ժամանակ այս մասին ասաց «Արաբո» ջոկատի հրամանատար Մանվել Եղիազարյանը` խոսելով հակառակորդի կողմից հրադադարի ռեժիմի խախտման դեպքերի մասին:
Նրա խոսքով` պատահական չէր, որ այդքան լրտես են բռնել, հակառակորդը շատ լավ գիտի մեր բոլոր ցավերը: «Այդ պատճառով նրանք ամեն ինչ անում են, որպեսզի մեզ ճնշեն: Եթե ցանկանանք, կարող ենք մարտունակ և առողջ բանակ ստեղծել, այդ դեպքում կարող ենք հայի անունը վերականգնել: Մենք պետք է ուշքի գանք, հակառակորդը լկտիանալու է: Պետք է հասկանանք, որ չծնված հայ երեխան խնդիր ունի:
Ես վիրավորված եմ, որ հայ տղամարդը Հայաստանից գնում է, ժողովրդին ստրուկ են դարձրել. փայտ լինի` փայտը կընտրեն, թուրք լինի` թուրքին կընտրեն հանուն փողի»,- ցավով նշեց Մանվել Եղիազարյանը:
Լուսանկարը՝ PanARMENIAN Photo-ի