Save the Children (պաշտպանենք երեխաներին) միջազգային բարեգործական կազմակերպությունը հայտարարել է, որ ծննդաբերության համար ամենից ոչ նպաստավոր վայրը Աֆրիկայի արևմուտքում գտնվող Նիգերն է։ Այս մասին հաղորդում է BBC-ն։
Ամենամյա հետազոտության մեջ նշվում է, որ Նիգերն այս ցուցանիշով առաջ է անցել Աֆղանստանից և հիմա գտնվում է կազմված աղյուսակի ամենաստորին հորիզոնականում։ Նշվում է, որ Նիգերը վերջին մեկ տարվա ընթացքում պայքարում է երաշտի պատճառով երկրում առաջացած սննդի խնդրի դեմ։
Save the Children-ի զեկույցում ասվում է, որ ստեղծվել է մի շղթա, երբ թերսնվող հղի մայրերը չեն կարողանում առողջ երեխաներ ծննդաբերել, ինչի հետևանքով էլ հետագայում լուրջ բարդություններ են առաջանում երեխաների մոտ։
