Ռուսական ВЗГЛЯД թերթի փոխանցմամբ՝ ԵՄ-ն ներկայացնող Կովկասի անվտանգության վերաբերյալ Ժնևյան քննարկումների համանախագահները, ԵԱՀԿ-ն ու ՄԱԿ-ն այսօր Ցխինվալում բանակցություններ են վարել Հարավային Օսիայի նորընտիր նախագահ Լեոնիդ Թիբիլովի հետ:
Այդ հանդիպումը տեղի է ունեցել հունիսի 8-ի բանակցությունների նախաշեմին: Դա Թիբիլովի առաջին հանդիպումն էր միջազգային միջնորդների հետ ապրիլին նախագահի պաշտոնում ընտրվելուց հետո:
Թիբիլովը նշել է, որ բանակցությունների հիմնական քննարկման առարկան է հանդիսացել Վրաստանի կողմից Հարավային Օսիայի դեմ ուժի չգործադրման մասին փաստաթղթի մշակումն ու ստորագրումը: Թիբիլովն ընդգծել է, որ 2008 թվականի աշնանից անցկացված քննարկումների 19 փուլերի արդյունքում որևէ առաջընթաց չի գրանցվել տվյալ ուղղությամբ:
Նա միջնորդներին առաջարկել է ավելի ակտիվ գտնվել, քանի որ, առանց անվտանգության ապահովման, անհնար է խոսել Հարավային Օսիայի և Վրաստանի փոխհարաբերությունների հետագա զարգացման մասին: Թիբիլովը համանախագահներին խնդրել է իր այս դիրքորոշումը հասցնել Թբիլիսիին, ուր նրանք կայցելեն մայիսի 8-ին:
