Իտալիայում իտալական միջուկային էներգետիկ Ansaldo Nucleare ընկերության ղեկավարը այսօր`մայիսի 7-ին, վիրավորվել է Ջենովայի իր տանից դուրս գալիս: Այս մասին հայտնում է BBC-ն:
Առավոտյան, երբ 53-ամյա Ռոբերտո Ադինոլֆին դուրս էր եկել տնից, նրան է մոտեցել մի մոտոցիկլետ՝ երկու մարդկանցով, որոնք երեք անգամ կրակել են:
Փամփուշտը վիրավորել է նրա ծնկից մի փոքր վերև, սակայն վնասվածքը այդքան էլ վտանգավոր չէ:
Ոչ ոք առայժմ իր վրա պատասխանատվություն չի վերցրել այս հարձակման համար, սակայն, ըստ ԶԼՄ-ների տվյալների, քննիչները ենթադրում են, որ դրա հետևում կանգնած են անարխիստները:
Ձախ արմատականներն ուժեղ ազդեցություն ունեն նավահանգստային քաղաքում: