Լատվիայում պղծվել է Սալասպիլս համակենտրոնացման ճամբարի բանտարկյալների գերեզմանոցը, որտեղ Երկրորդ համաշխարհային պատերազմի տարիներին սպանվել են հազարավոր մարդիկ: Անհայտ վանդալները քանդել են գերեզմանաթմբերը, պոկել են ուղղափառ խաչերն ու ծաղիկները: Նրանք ավերել են նաև ուղղափառ եկեղեցին, որտեղ գտնվել է ՌԴ պետական դրոշը և սգո պսակի ժապավենը:
Թարմ հետքերով վանդալներին հայտնաբերել չի հաջողվել:
Սալասպիլս համակենտրոնացման ճամբարը ստեղծվել է 1941 թ.: Այնտեղ են ուղարկվել ինչպես Լատվիայի բնակիչները, այնպես էլ հրեաները, որոնց ճամբար են բերել Եվրոպայի այլ երկրներից: Աղբյուրների տվյալներով` 1942 թ. այնտեղ է գտնվել ավելի քան 50 հազար մարդ, այդ թվում՝ հազարավոր երեխաներ, որոնց վրա բժշկական դաժան փորձարկումներ են իրականացվել:
1967 թ. համակենտրոնացման ճամբարի փոխարեն բացվել է հիշատակի կենտրոն: