Հայաստանում այսօր տեղի են ունենում հերթական խորհրդարանական ընտրությունները: Ազգային ժողովի 131 տեղի համար պայքարում են 8 քաղաքական կուսակցություններ և մեկ դաշինք:
ITAR-TASS-ի ներկայացմամբ` քվեարկության ընթացքում մի շարք ընտրատեղամասերից հաղորդագրություններ են ստացվել, որ քվեարկող քաղաքացիների անձնագրերի կնիքները անհետանում են կամ հեշտ ջնջվում: Կենտրոնական ընտրական հանձնաժողովից հայտնել են, որ դա հեշտ լուծելի տեխնիկական խնդիր է: Ուղղակի պետք է թանաքամանները կիրառելուց առաջ լավ թափահարել, ինչը չեն արել մի շարք ընտրատեղամասերում:
Հայաստանում ընտրատեղամասերը բացվել են առավոտյան ժամը 8:00-ին: Յուրաքանչյուր քվեարկողի տրվելու է երկու քվեաթերթիկ:
Ազգային ժողովի 131 պատգամավորից 41-ը պետք է ընտրվեն մեծամասնական կարգով, իսկ 90-ը` համամասնական:
Քվեարկությունըտևելու է 12 ժամ:
