Ընտությունների մեկնարկից մեկ ժամ անց ընտրողները սկսել են ահազանգել, որ ընտրատեղամասում անձնագրի վրա դրվող կնիքը հեշտությամբ ջնջվում է մի փոքր այն տրորելու դեպքում:
Facebook սոցիալական ցանցում էլ օգտատերերը նույն խնդրի առնչությամբ ահազանգում են նաև Գյումրուց, Վանաձորից և այլ մարզերից:
«Գյումրու մի քանի տեղամասերից ահազանգեր ունեմ, որ անձնագրի կնիքի դրոշմը ցնդում է 20-30 րոպեից 34/18-ում որոշել են դադարեցնել, մոտ 20 րոպե ընտրություն տեղի չի ունեցել, 08:50-ին զանգել են ԿԸՀ, որտեղ հանձնարարել են շարունակել քվեարկությունը անկախ այն հանգամանքից, որ դրոշմը ցնդում է: Քվեարկությունը այդ տեղամասում շարունակվում է»,- իր ֆեյսբուքյան էջում գրել է Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը:
«Առաջին լրատվական»-ը քաղաքացիների կողմից հնչած ահազանգի առնչությամբ կապվեց ԿԸՀ: Մեզ խոստացան պատասխանել 30 րոպեից:
Լուսանկարը` ՀԱԿ Ֆեյսբուքյան էջից:
