ԱՄՆ գիտությունների ազգային ակադեմիան խորհուրդ է տվել կառավարությանը ճշգրտել հակահրթիռային պաշտպանության ծավալման նախագծերը:
NEWSru.com-ի փոխանցմամբ` նման տեսակետը շարադրված է ակադեմիայի ազգային հետազոտական խորհրդի զեկույցում:
Մասնագետներն ընդգծել են, որ որևէ անհրաժեշտություն չկա իրականացնել ՀՀՊ ծավալման չորրորդ փուլը: Ավելի վաղ ՌԴ ԱԳՆ նախարարը հայտարարել էր, որ այս փուլը «գնահատվում է որպես բավականին լուրջ ռիսկ՝ ռուսական ռազմավարական ուժերի համար»:
Գիտնականները կառավարությանը կոչ են անում չորրորդ փուլի շրջանակներում նախագծի իրականացման փոխարեն ստեղծել հրթիռ բռնող ևս մեկ բազա ԱՄՆ–ի կենտրոնական մասում: Ազգային հետազոտական խորհուրդն առաջարկում է երրորդ նման բազան ստեղծել ԱՄՆ-ի հյուսիս-արևելյան շրջանում:
2011 թ. ՆԱՏՕ-ի գլխավոր քարտուղարը հայտարարել էր, որ դաշինքի ՀՀՊ համակարգը լիակատար գործելու մակարդակի կհասնի 2018 թ.: Նրա խոսքերով՝ ՀՀՊ նախնական պատրաստվածության մակարդակի մասին կխոսվի 2012 թ. մայիսին Չիկագոյում կայանալիք գագաթնաժողովի ժամանակ:
