Վրաստանի աշխատանքի և առողջապահության նախարար Անդրեյ Ուռուշաձեն կառավարության նիստի ժամանակ տեղեկացրել է, որ Վրաստանում արդեն հաստատվել է 70 մարդու` գրիպի H1N1 տարատեսակով վարակվելու փաստը:
Սակայն չհաստատված դեպքերը նույնպես գերազանցում են 7 տասնյակը: Այս մասին հայտնում է vesti.az կայքը` հղում անելով rbk.ru-ին: Նախարարի հավաստմամբ, այս տեղեկությունը խուճապային տրամադրությունների հիմք չպետք է դառնա:
Ուռուշաձեն հավաստիացրել է, որ երկիրն ապահովված է բոլոր անհրաժեշտ դեղամիջոցներով, ինչպես նաև աճել է ամբուլատոր բուժման մակարդակը: Այս ամիս Վրաստանում արդեն 4 մարդ է մահացել H1N1-ից, որոնցից 3-ը հղի կանայք: Մասնագետների կարծիքով, ողբերգական այս դեպքերի պատճառն այն է, որ հիվանդները մասնագետներին դիմել են հիվանդության արդեն բարդացած շրջանում: