ՄԱԿ-ի և Արաբական պետությունների հատուկ բանագնաց Քոֆի Անանի ծրագիրն աստիճանաբար, բայց իրականացվում է: Այս մասին Ժնևում հայտարարել է Անանի հատուկ բանագնաց Քոֆի Անանը:
«Ոչ մեծ նշաններ կան (ծրագրի իրականացման-1in.am). որոշ ծանր սպառազինություն հետ է կանչվել, որոշ մասը մնացել է… Տեղերում շարժման նշաներ կան, չնայած դանդաղ և ոչ մեծ: Կան նշաններ, որոնք դուք չեք նկատի, քանի որ այդ աշխատանքը տարվում է առանց բարձրաձայնելու»,- ասել է Անանի ներկայացուցիչը, որի խոսքերը մեջբերում է France-Presse գործակալությունը:
Նա տեղեկացրել է, որ Անանը պատրաստվում է Սիրիայում տեղի ունեցող դեպքերի մասին ՄԱԿ-ի ԱԽ-ին զեկուցել մայիսի 8-ին՝ Ժնևից հեռուստակամրջի միջոցով:
Անանի ներկայացուցիչը նշել է, որ անհրաժեշտ է համբերությամբ զինվել, քանի որ ծրագրի իրականցումը ժամանակ է պահանջում:
«Անանի ծրագիրը կյանքի է կոչվում, սակայն ճգնաժամը սկսվել է ավելի քան մեկ տարի առաջ և չի կարող լուԾվել մեկ օրվա կամ շաբաթվա ընթացքում»,- ասել է նա:
Սիրիայում ընդդիմության և իշխանությունների միջև ավելի քան մեկ տարի տևած բախումների հետևանքով զոհվել է ավելի քան 9000 մարդ: Ապրիլի 12-ից Սիրիայում ուժի մեջ է մտել Անանի ծրագրով նախատեսված հրադադարի ռեժիմը, որը պարբերաբար խախտվում է թե՛ կառավարական զորքերի, թե՛ ընդդիմադիրների կողմից: Դա թույլ է տալիս մի շարք քաղաքական գործիչների հայտարարել, որ Անանի ծրագիրը դատապարտված է ձախողման:
