Մայիսի 6-ին կայանալիք ընտրություններից հետո ՀԱԿ-ի կողմից կիրառվելիք տեխնոլոգիաներն ու մեթոդներն այդքան էլ կարևոր չեն, որովհետև քաղաքական կուսակցությունները և թեկնածուներն են որոշում՝ պայքարի ինչ ձև օգտագործեն: Ինչպես «Առաջին լրատվական»-ի հետ զրույցում նշեց Տարածաշրջանային հետազոտությունների կենտրոնի ղեկավար, քաղաքագետ Ռիչարդ Կիրակոսյանը, երբ ավարտվեն խորհրդարանական ընտրությունները, ռեալ քաղաքական կոնֆլիկտ է սկսվելու հաջորդ տարի կայանալիք նախագահական ընտրություններին ընդառաջ:
«Նշանակություն չունի, թե ինչ կլինի ընտրությունների ելքը: Պայքարը սկսվելու է խորհրդարանական ընտրություններից հետո։ Նշանակություն չունի՝ ԲՀԿ-ն կհաղթի, թե կպարտվի: Սկսվելու է մեծ կոնֆլիկտ՝ նախագահական ընտրություններին պատրաստվելիս: Կոնֆլիկտը կլինի Հանրապետականի և Բարգավաճի միջև»,- կանխատեսեց Ռ. Կիրակոսյանը:
