ԱՄՆ գաղտնի ծառայության գործակալը Բրուքլինում մահացու վրաերթի է ենթադրկել մի կնոջ: Ինչպես հաղորդում է The New York Daily News պարբերականը, դեպքը տեղի է ունեցել մայիսի 3-ի երեկոյան: 47-ամյա Մարիա Թրիփը անցնելիս է եղել խաչմերուկը, երբ վրաերթի է ենթարկվել սև Chevrolet-ի կողմից: Նրա հետ են եղել նաև դուստրը և եղբորորդին, սակայն նրանք, ամենայն հավանականությամբ, չեն տուժել:
Ականատեսներից մեկի խոսքերով՝ հարվածից կինն օդ է բարձրացել: 5 երեխաների մայր Մարիա Թրիփը տեղափոխվել է հիվանդանոց, որտեղ էլ մահացել է:
Գործակալի անունը չի հաղորդվում: Պարբերականը գրում է, որ նա այդ ժամանակ եղել է ծառայության մեջ, բայց որևէ մեկի թիկնապահական խմբին չի պատկանում:
Իրավապահ մարմինների աղբյուրը հայտնել է, որ գործակալն անցնել է իր համար թույլատրելի լույս տակ: Նման դեպքում, ըստ ոստիկանության, հանցագործության նշաններ չկան: NBC New York-ի տվյալներով՝ գործակալը մնացել է դեպքի վայրում և համագործակցել ոստիկանության հետ:
ԱՄՆ գաղտնի ծառայությունն պաշտպանում է նախագահին, փոխնախագահին, նախագահի թեկնածուներին և իրականացնում մի շարք այլ գործառոււյթներ:
