Նավթ արտահանող երկրների կազմակերպությունը` OPEC-ը, մտադիր է հասնել նավթի գների նվազման` մինչև 1 բարելի դիմաց 100 դոլար:
Ինչպես այսօր հայտարարել է OPEC-ի գլխավոր քարտուղար Աբդալլա Սալեմ Էլ-Բադրին, ներկայիս իրավիճակը, որի ժամանակ նավթի գները զգալի գերազանցում են սահմանված մակարդակը, չի կարելի կոչել «հարմարավետ»: Այս մասին հայտնում է «Վեստի Էկոնոմիկան»:
Չնայելով նավթ արտահանող երկրների համար նավթի թանկացման արտաքին գրավչությանը և նավթի հումքի բարձր արժեքին` գնորդները կարող են հրաժարվել դրա գնումից, ինչը բացասաբար կանդրադառնա պահանջարկի վրա ու կհանգեցնի վնասների:
Նրա խոսքով`նավթային կարտելը կձգտի հասնել նավթի գների նվազեցման՝ արտադրության մեծացման հաշվին:
«1 բարելի դիմաց 100 դոլարը բավական հարմար է, քանի որ այն ձեռնտու է թե արտադրողներին, թե գնորդներին»,- նկատել է OPEC-ի ղեկավարը:
Նա նաև հավելել է, որ մարտին կարտելը նավթարդյունահանումը կմեծացնի մինչև 32 միլիոն բարել 1 օրվա ընթացքում, ինչը 2 մլն բարելով գերազանցում է OPEC-ի` անցած տարվա դեկտեմբերին հաստատված քվոտաները:
