Այցով Չինաստանում գտնվող ԱՄՆ պետքարտուղար Հիլարի Քլինթոնը հայտարարել է, որ Չինաստասնի և ԱՄՆ-ի հարաբերությունները այժմ ամենաամուրն են պատմության մեջ:
Ինչպես հաղորոդւմ է RIA Novosti-ն, Չինաստանի նախագահ Հու Ցզինտաոյի հետ իր երկրորդ հանդիպմանը Քլինթոնը նշել է, որ երկու երկրների հարաբերությունները «շատ բաց են և ազնիվ»:
Ընդ որում, Քլինթոնը հիշեցրել է, որ որոշակի «տարաձայնություններ» Վաշինգտոնի և Պեկինի միջև այնուամենայնիվ կան: Երեկ Հու Ցզինտաոի հետ իր առաջին հանդիպման ընթացքում Քլինթոնը կարևորել էր մարդու իրավունքների պահպանումը բոլոր երկրների համար:
ԱՄՆ պետքարտուղարի այցը տեղի է ունենում չինացի կույր իրավապաշտպան Չեն Գուանչենի հետ կապված իրադարձությունների ֆոնին: Հիշեցնենք. նա փախել էր տնային կալանքից և թաքնվել ԱՄՆ դեսպանատանը, ավելի ուշ լքել էր նաև դեսպանատունը, իսկ հետո հայտարարել, որ ցանկանում է լքել Չինաստանը և օգնության խնդրանքով դիմում է ԱՄՆ-ին:
Ավելի վաղ հաղորդվում էր, որ կույր այլախոհի գործը ինքնատիպ փորձաքար կլինի ԱՄՆ-ի և Չինաստանի հարաբերությունների համար:
