Թուրքական Hürriyet թերթի փոխանցմամբ՝ Սիրիայի հարցում ԱՄՆ-ի ղեկավարության դիրքորոշումը կախված է լինելու ՆԱՏՕ-ի շրջանակներում Թուրքիայի քայլերից:
Չիկագոյում կայանալիք ՆԱՏՕ-ի համաժողովից երեք շաբաթ առաջ ԱՄՆ ազգային անվտանգության խորհրդի Եվրոպայի գծով տնօրեն Էլիզաբեթ Շերվուդ Ռենդալը հայտարարել է, որ Թուրքիան պաշտոնապես չի դիմել ՆԱՏՕ-ին՝ վերջինիս կանոնադրության 4-րդ ու 5-րդ հոդվածներին համապատասխան խորհրդակցություն անցկացնելու համար.
«Թուրքիայի արտգործնախարար Ահմեդ Դավութօղլուն Բրյուսելում տեղի ունեցած ՆԱՏՕ-ի կոնֆերանսի ժամանակ իր գործընկերներին իրազեկեց տվյալ խնդրի մասին: Ալյանսում շարունակվում է այդ հարցի քննարկումը: Ներկայումս մենք տվյալ հարցի շուրջ երկկողմանի խորհրդակցություններ ենք անցկացնում Թուրքիայի հետ»: