Ադրբեջանական APA լրատվական գործակալության փոխանցմամբ՝ Ադրբեջանն ու Թուրքիան «Անդրանատոլիական» գազատարի (TANAP) նախագծի վերաբերյալ բանակցությունները կավարտեն այս ամսի վերջին: Այս մասին հայտարարել է Ադրբեջանի Հանրապետության պետական նավթային ընկերության (SOCAR) փոխնախագահ Էլշադ Նասիրովը.
«Մենք մտադիր ենք բանակցություններն ավարտել այս ամիս և միջկառավարական համաձայանգիրը ստորագրել մինչև հունիսի 30-ը: Այդ համաձայնագրի հետաձգումը պայմանավորված չէ տվյալ նախագծում մասնաբաժինների շուրջ տարաձայնություններով: Մի շարք ԶԼՄ-ներ պնդում են, թե Թուրքիան ցանկանում է նախագծում իր մասնաբաժինը հասցնել մինչև 50 տոկոսի, սակայն մենք այդ կապակցությամբ դեռ որևէ առաջարկ չենք ստացել Թուրքիայից»:
Հիշեցնենք, որ նախորդ տարվա դեկտեմբերին Թուրքիան ու Ադրբեջանը հուշագիր էին ստորագրել TANAP նախագծի շուրջ: Տվյալ հարցում միջկառավարական համաձայնագրի ստորագրումը պլանավորված էր գարնանը, սակայն դա հետաձգվեց:
