Նյու Յորքի Cheetahs սթրիփթիզ ակումբի ադմինիստրացիան ստիպված է եղել փակել Չառլի Շինի անվան սենյակը դերասանի փաստաբանների պահանջով: Այս մասին հաղորդում է New York Post պարբերականը:
Cheetahs-ի ներկայացուցիչները հայտարարել են, որ իրենցից պահանջել են անմիջապես փակել սենյակը, քանի որ դա կարող է վնասել դերասանի վարկանիշին: Ընդ որում` ինչպես հայտնել է սթրիփթիզ ակումբի տնօրեն Սեմ Ջերկան, աստղի ներկայացուցիչները սպառնացել են «դատական հայցերով», եթե իրենց պահանջը չբավարավի:
«Մենք մտածում էինք, որ պարզապես զվարճալի կլինի սենյակը կոչելով նրա անունով: Դա ընդամենը սենյակ է, որտեղ վճարելով 250 դոլար՝ հնարավոր է սուշի ուտել մեր պարուհիների մարմնի վրա»,- ասել է Ջերկան` տարակուսանք հայտնելով, թե ինչպես կարող է սուշի ուտելը ազդել Շինի՝ առանց այդ էլ սկանդալային վարքագծի վրա:
Իր հերթին, դերասանի փաստաբան Մարտի Սինգերը հայտարարել է, թե խոսքը իր հաճախորդի համբավի մասին է. «Պարզապես նրանք իրավունք չունեն օգտագործել Չառլի Շինի անունը՝ ինչպես այլ հայտնի մարդկանց պարագայում»,- հայտարարել է նա:
