ԱՄՆ պետքարտուղար Հիլարի Քլինթոնն այսօր ժամանել է Պեկին, որտեղ կքննարկվեն մարդու իրավունքների պաշտպանության հետ կապված հարցեր՝ մասնավորապես կապված չինացի կույր իրավապաշտպանի հետ, ով, ենթադրաբար, տնային կալանքից փախչելուց հետո գտնվում է Պեկինում ամերիկյան դեսպանատան տարածքում:
Ինչպես հաղորդում է Associated press-ը, իրավապաշտպանի հետ կապված դեպքը կարող է վտանգել բարձր մակարդակի ռազմավարական ու տնտեսական բանակցությունները, որոնք տեղի են ունենալու աշխարհի երկու հզոր պետությունների միջև: Այդ բանակցությունները սկսվում են հինգշաբթի օրը:
Մինչ այդ Քլինթոնն այսօր պատրաստվում է ընթրել Չինաստանի պետական խորհրդականի հետ: Քլինթոնի հետ ուղևորված խորհրդականները չեն ասել, թե ամերիկյան կողմը ինչ է մտածում կույր իրավապաշտպանի մասին, և թե ընդհանրապես այդ հարցը քննարկվելո՞ւ է ընթրիքի ընթացքում: