Իսրայելական Mig News-ի փոխանցմամբ՝ Քրդստանի աշխատավորական կուսակցությունը (PKK) հայտարարել է, որ Հյուսիսային Իրաքի Զապի շրջանում վայր է գցել թուրքական արտադրության անօդաչու թռչող սարք (ԱԹՍ):
Այս կապակցությամբ PKK-ի ներկայացուցիչ Քսեբաթ Սիզրեն հայտարարել է. «Նախորդ տարի մենք գիտակցեցինք, որ թուրքերը սահմանի երկայնքով ընկած մեր դիրքերին հետևում են սեփական արտադրության պրիմիտիվ ԱԹՍ-ներով: Մեզ հաջողվել է վայր գցել դրանցից մեկը, երբ նա հայտնվել է մեր հակաօդային պաշտպանության համակարգերի գործողության շառավղում:
Վայր գցված ԱԹՍ-ն պատկանում է Bayraktar դասին: Թուրքերն արտադրում են նաև մեկ այլ տիպի ԱԹՍ՝ Anka: Դրանք երկուսն էլ զիջում են իսրայելական ու ամերիկյան ԱԹՍ-ներին»:
PKK-ի զինյալները հրապարակել են վայր գցված թուրքական ԱԹՍ-ի լուսանկարները:
