Ռուսական Regnum լրատվական գործակալության փոխանցմամբ՝ Թուրքիայի փոխվարչապետ Ալի Բաբաջանը Բոստոնում տեղի ունեցած կոնֆերանսում հայտարարել է, որ Կովկասում Թուրքիայի երկարաժամկետ նպատակը հայ-թուրքական հարաբերությունների կարգավորումն է, սահմանների բացումը, ինչպես նաև հայ-ադրբեջանական հարաբերությունների կարգավորումը.
«Տվյալ հարցում մենք արել ենք ամեն հնարավոր բան, մենք մշակել ենք ճանապարհային քարտեզ, կազմել ենք արձանագրություններ և ներկայումս սպասում ենք միայն դրանց իրագործմանը: Իսկ դրանց իրագործումը կապված է Հայաստանի ու Ադրբեջանի հարաբերությունների (Ղարաբաղյան հակամարտության) կարգավորման հետ:
Մենք Հայաստանի հետ հարաբերությունների կարգավորման գործընթացը սկսել ենք դեռևս 2007 թվականին և խոսք ենք տվել, որ արձանագրություններն իրագործվելու են միայն հայ-ադրբեջանական հարաբերությունների կարգավորումից հետո:
Տարածաշրջանում իրավիճակի կարգավորումը Թուրքիայի համար կարևոր է երկրի արևելքի տնտեսական զարգացման և կատարելապես այլ աշխարհաքաղաքական իրավիճակի առաջացման տեսանկյունից: Թուրքիայի արևելքում և Միջին Ասիայում ինտեգրացիոն գործընթացների ամենակարճ ուղին անցնում է Կովկասով»: