Թուրքական Anadolu գործակալության փոխանցմամբ՝ Կարսի մշակույթի ու զբոսաշրջության տնօրեն Հաքան Դողանայը լրագրողների հետ զրույցում հայտարարել է, որ հունիսին իրենք սկսելու են պեղումներ կատարել Անիի ավերակներում:
Նա ընդգծել է, որ Անիի ավերակները գտնվում են Մետաքսե ճանապարհի վրա՝ հանդիսանալով Կովկասից դեպի Անատոլիա մուտքի դուռ և հակառակ ուղղությամբ ելքի դուռ: Դողանայը հավելել է, որ աշխարհի մի զգալի մասը տեղյակ չէ Անիի մասին, և որ իրենք պետք է լրացնեն այդ բացը՝ հավելելով, որ վերջին անգամ Անիի ավերակներում պեղումներ կատարվել են երկու տարի առաջ:
