Լիբիայի ժամանակավոր կառավարության վարչապետ Աբդել Ռախիմ Ալ-Քիբն Ազգային անցումային խորհրդին մեղադրել է երկրի ազգային ժողովի ընտրությունները տապալելու փորձի մեջ: Այս մասին հաղորդում է Agence France-Presse-ը:
Ալ-Քիբի խոսքերով՝ կառավարության «հանուն հեղափոխության պարտքը կատարելու» գործողություններն՝ ընտրությունները կազմակերպելու տեսքով, փաստորեն «կաշկանդված» են, քանի որ Ազգային անցումային խորհրդի անդամները գրասենյակին սպառնում են անվստահության քվեով:
Ալ-Քիբն ընգծել է, որ իր լիազորությունների սկզբից ի վեր կառավարությանը հաջողվել է հասնել զգալի հաջողությունների Լիբիան ոտքի կանգնեցնելու գործում, մասնավորապես՝ նավթի արդյունահանումը վերադարձել է նախապատերազմական մակարդակին, նաև լուծվել է երկրի տարբեր շրջաններում զինված հակամարտությունների հարցը:
Ինչպես ավելի վաղ հաղորդվում էր, Լիբիայի Ազգային ժողովի ընտրությունները նախատեսվում են 2012 թվականի հունիսին: Ընտրված մարմինը կզբաղվի երկրի սահմանադրությունը գրելով, ինչպես նաև ժամանակավոր խորհրդարանի դերը կտանի: Լիբիայում նոր հիմնական օրենքի ընդունումից հետո սպասվում է, որ կանցկացվեն համընդհանուր նախագահական և խորհրդարանական ընտրություններ: