Freedom House իրավապաշտպան կազմակերպությունը երրորդ տարին անընդմեջ Էստոնիային ներառում է ամենաազատ երկրների ցուցակի մեջ։ Այս մասին գրում է rosbalt.ru-ն:
Freedom House-ն իրավիճակը գնահատում է քաղաքական իրավունքներով և քաղաքացիական ազատություններով` 7 բալ սանդղակով: 1 բալ ստանում են ամենաազատ երկրները: Էստոնիան արդեն երրորդ տարին է, ինչ գտնվում է առաջին տեղում:
Երկու միավոր ստացել են օրինակ՝ Լիտվան, Ֆինլանդիան, Շվեդիան, Դանիան, Իտալիան, Ֆրանսիան և Գերմանիան, ինչպես նաև՝ ԱՄՆ–ը, Մեծ Բրիտանիան, Ավստրալիան և այլ երկրներ:
Ռուսաստանը ոչ ազատ երկրների թվին է դասվում. 6՝ քաղաքական, 5` քաղաքացիական ազատության համար: Համանման ցուցանիշներ ունեն նաև Ռուանդան, Օմանը, Տաջիկստանը և Ղազախստանը:
Ամենից ոչ ազատ երկրներ ճանաչվել են Հյուսիսային Կորեան, Սիրիան, Սաուդյան Արաբիան, Սոմալին, Թուրքմենիան, Ուզբեկստանը:
Ընդհանուր առմամբ 195 երկրներից 87-ը (45 %) ճանաչվել են ազատ, 60-ը (31 %)` մասամբ ազատ և 48-ը (24 %)` ոչ ազատ:
