Մի քանի հազար նորվեգացիներ հինգշաբթի օրը բողոքի ակցիա կանցկացնեն ահաբեկիչ Անդերս Բրեյվիկի գործողությունների և արտահայտությունների դեմ։ Այս մասին գրում է РИА Новости-ն:
Ենթադրվում է, որ բողոքի ակցիայի շրջանակներում մասնակիցները դուրս կգան Օսլոյի փողոցներ և կերգեն Լիլեբյորն Նիլսենի «Ծիածանի զավակները» երգը, որը Բրեյվիկն ատում է և անվանում է «ուղեղի մարքսիստական լվացում»:
«Նիլսենը մարքսիստի լավ օրինակ է` ներծծված մշակույթի բնագավառում, նա գրում է երաժշտություն, որն օգտագործում է երեխաների ուղեղները լվանալու համար»,- հայտարարել է Բրեյվիկը դատի ժամանակ:
«Բրեյվիկը. որպես ուղեղների լվացման օրինակ. Նիլսենի երգն է օրինակ բերել,»,- Facebook-ի իր էջում գրել է վաղվա ակցիայի կազմակերպիչներից մեկը` Քրիստինե Բարը:
Ինչպես նշում է Рейтер գործակալությունը, Նելսենի երգերը Նորվեգիայում ճանաչում են վայելում:
Այս օրերին Օսլոյի շրջանային դատարանում տեղի է ունենում Բրեյվիկի դատավարությունը, ով անցած տարվա հուլիսի 22-ին երկու ահաբեկչություն է կազմակերպել Նորվեգիայում, որոնց արդյունքում զոհվել է 77 մարդ: Դատարանում նա հայտարարել է, որ իրեն մեղավոր չի ճանաչում: