Firefox բրաուզերի ստեղծողները որոշում են ընդունել հասցեատողում այլևս ցույց չտալ կայքերի տարբերանշանները: Այս մասին ասվում է Mozilla-ի աշխատակից Ջարեդ Ուեյնի բլոգում:
Տարբերանշանները անհետացել են հասցեատողից Firefox 14-ի վաղ թողարկված տարբերակում: Firefox 14-ի վերջին տարբերակը կթողարկվի հուլիսի կեսերին:
Ուեյնի խոսքով՝ նման որոշումը պայմանավորված է անվտանգությանն առնչվող հարցերով: Որոշ կայքեր, ցանկանալով օգտվողին մոլորեցնել, իրենց տարբերանշանի վրա ցուցադրում են անվտանգ միացման նշանը՝ կողպեքը: Նկատելով կողպեքը՝ օգտատերը վստահ է դառնում, որ միացումը կատարվել է: Կողպեքի հայտնվելը ոչ միշտ է կրում իրական բնույթ:
Firefox-ը հասցեատողում իր սեփական նշանից բացի՝ ցույց կտա օդապարիկի նշան: Եթե միացումը անվտանգ կատարվել է, ապա օգտատերը դրա վրա կողպեք կնկատի: Կախված SSL-սերտիֆիկատից՝ կողպեքը կլինի մոխրագույն կամ կանաչ:
Նման սկզբունքի հետևորդ է նաև Google-ը՝ Chrome բրաուզերի ստեղծողը:
