Հյուսիսային Կարոլինայի ոստիկանությունը ձերբակալել է 20-ամյա աֆրոամերիկացի Ջասթին Մուրին, որը ներխուժել է WMBF հեռուստաալիքի ուղիղ եթեր, մի կողմ հրել լրագրողին և բղավել. «Ահա ես նեգր եմ»: Այս մասին գրում է Daily Mail-ը:
Դեպքը տեղի է ունեցել անցած չորեքշաբթի, սակայն տեղեկությունը ԶԼՄ-ներում տարածվել է միայն այսօր:
NBC –ի տեղական մասնաճյուղի՝ WMBF-ի թղթակիցը, ներկայացնում էր Հյուսիսային Կարոլինայի Միրթլ Բիչ շրջանում հանցավորության մակարդակի բարձրացման մասին ռեպորտաժը, երբ նկարահանող խմբին են մոտեցել 4-5 անձինք: Նրանցից մեկը հրել է Էշլի Թեյլորին և բացականչություն արել: Նկարահանող խումբը եթեր ներխուժածի նկարն ու տեսագրությունը հանձնել են ոստիկանություն: Այդ օրը՝ երեկոյան, Մուրը ձերբակալվել է և հաջորդ օրը 1356 դոլար գրավի դիմաց ազատ արձակվել:
Կատարվածից անմիջապես հետո, Թեյլորը կրկին եթերում է հայտնվել, և Մուրի մասնակցությամբ իրադարձությունը որակել որպես եվս մեկ ապացույց այն մասին, որ Միրթլ Բիչում հանցավորության մակարդակը բարձրացել է:
