Ընտրություններում դիտորդական առաքելության CIS-EMO միջազգային կազմակերպության ներկայացուցիչները, որոնք Ֆրանսիայի նախագահի ընտրություններում մոնիթորինգ են անցկացնում, հաղորդում են, որ Սոցիալիստական կուսակցության թեկնածու Ֆրանսուա Հոլանդը առաջատար է Լիլում ու Թուլուզում: Դիտորդների խոսքով`«ձախերը» լավ արդյունքներ են ցույց տալիս նաև ավանդական «աջ» շրջաններում:
Նշենք, որ Exit Poll-ի տվյալները կհրապարակվեն միայն տեղի ժամանակով 20:00-ից հետո:
Ավելի վաղ հաղորդվում էր, որ ոչպաշտոնական տվյալներով` Ֆրանսիայի անդրծովյան տիրույթներում, որտեղ մեկ օր շուտ է սկսվել ընտրությունները, առաջատարը Ֆրանսուա Հոլանդն է: Երկրորդ տեղում կոմունիստական կուսակցության թեկնածու Ժան-Պոլ Մելանշոն է, իսկ Նիկոլա Սարկոզին երրորդ տեղում է:
Հիշեցնենք, որ այսօր` ապրիլի 22-ին, Ֆրանսիայում տեղի են ունենում նախագահական ընտրություններ: Ընտրական տարածքները բացվել են 08:00-ին և կփակվեն, կախված իշխանությունների որոշումից, ոչ շուտ, քան 18:00-ն և ոչ ուշ, քան 20:00-ն:
