Կիրակի օրը Ճապոնիայի քիմիական գործարանում տեղի ունեցած երկու պայթյունի հետևանքով զոհվել է մեկ, վիրավորվել` 17 մարդ:
Պայթյունը տեղի է ունեցել տեղական ժամանակով առավոտյան ժամը 2-ին Mitsui Chemicals ընկերության գործարանի արտադրամասում: Տեղում մահացել է 22- ամյա աշխատակիցը, վիրավորվել է 11 մարդ: Պայթյունն այնքան ուժգին է եղել, որ ջարդել է մոտակայքում տեղակայված շենքերի, կառույցների մոտ 270 պատուհան: 6 մարդ տարբեր աստիճանի մարմնական վնասվածքներ են ստացել ջարդված ապակիների կտորներից:
Երկրորդ պայթյունը տեղի է ունեցել առաջին պայթյունից վեց ժամ անց: նախնական տվյալների համաձայն` այս պայթյունից տուժածներ չկան: Դեպքի վայրում աշխատում են հրշեջ ծառայության աշխատակիցները:
