Ամերիկացի գիտնականները ջուրը մանրէազերծելու նոր միջոց են գտել: Ավանդական եռացման մեթոդին կարող են փոխարինել կիտրոնի հյութն ու արևը: Հանրության առողջության Բլումբերգի դպրոցի գիտնականները փորձի ընթացքում 1 կամ երկու լիտրանոց շշով ջուրը 6 ժամ արևի տակ են դրել, որից հետո այն լիովին մանրէազերծված է եղել:
Կիտրոնի հյութն այդ «աշխատանքն» ավելի սեղմ ժամկետում է կատարում: Բանն այն է, որ ցիտրուսը պարունակում է պսորալեն նյութ, որը փոխում է մանրէների ԴՆԹ կառուցվածքը: 2 լիտր ջուրը մանրէազերծելու համար 30 միլիլիտր կիտրոնի հյութ է անհրաժեշտ:
Այս մեթոդը կիրառություն կգտնի աղքատ երկրներում, որտեղ ջրի մանրէազերծման այլ միջոց չկա:
