Ռուսաստանի ընդդիմադիր «Ձախ ճակատի» համակարգող Սերգեյ Ուդալցովն այսօր առավոտյան ձերբակալվել է Ուլյանովսկում՝ Дорожное радио-ի լրագրող Աննա Պոզնյակովային ծեծելու մեղադրանքով:
Ինչպես նորությունների ռուսական ծառայությանը հաղորդել է Պեդդումայի պատգամավոր, «Եդինայա Ռոսիա» կուսակցության անդամ Վլադիմիր Բուրմատովը, լրագրողն այսօրվա ՌԴ կոմունիստական կուսակցության միտինգի ժամանակ մոտեցել է Ուդալոցվին՝ նրանից հարցազրույց վերցնելու նպատակով։ «Հարցերից մեկը վերաբերել է Շենինի հացադուլին: Այդ հարցից հետո նա հարձակվել է ու սկսել ծեծել վերջինիս: Ականատեսները պատմում են, որ լրագրողն այդպիսի բան չի հարցրել: Երևի երիտասարդ հեղափոխականի նյարդերը չեն դիմացել»,- ասել է պատգամավորը:
Անձամբ Ուդալցովն ասում է, որ ոչ ոքի չի ծեծել: Ռուս ընդդիմադիրը հայտնել է, որ ներկայում իրեն տանում են ոստիկանության բաժանմունք:
Ռուսաստանի ընդդիմադիր «Ձախ ճակատի» համակարգողն ասել է, որ Ուլյանովսկում միտինգից հետո իրեն ձերբակալել են ոստիկանները: «Իբր Ուլյանովսկի ներքին գերծերի վարչություն դիմում է ստացվել մի կնոջից, թե ես նրան մարմնական վնասվածքներ եմ պատճառել: Ես դա այլ կերպ, քան սադրանք, չեմ կարող գնահատել: Աստված հեռու տանի, ոչ մեկի վրա ձեռք չեմ բարձրացրել,- հայտարարել է Ուդալցովը:
Հիշեցնենք, որ ՌԴ կոմունիստական կուսակցության այսօրվա միտինգն ուղղված էր Ուլյանովսկում ՆԱՏՕ-ի բազա տեղակայելու դեմ:
