Սան Ֆրանցիսկոյում փակվել է «Սեմ Վո» ռեստորանը, որտեղ աշխատել է «աշխարհի ամենակոպիտ մատուցողը»: Ինչպես հայտնում է Associated Press գործակալությունը, սեփականատեր Դեյվիդ Հոն որոշել է փակել այն, որովհետև իշխանությունները պահանջել են սանիտարահիգիենիկ և անվտանգության պայմանների բարելավում:
«Սեմ Վո» ռեստորանը գոյություն ունի արդեն 100 տարի: Այն տիպիկ ճաշարան է եղել: Առաջին հարկում խոհանոցն է եղել, իսկ երկրորդում` սրահը: Ռեստորանում մատուցել են ավանդական չինական խոհանոց:
20-րդ դարի կեսերին ռեստորանում աշխատել է Էզդել Ֆորդ Ֆունգ անունով մի մատուցող, որը հայտնի է եղել նրանով, որ կոպտել է հաճախորդներին, վիճել նրանց հետ, աղմուկ բարձրացրել և բողոքել ցածր թեյավճարների համար: Նա նաև սովորություն է ունեցել սեղանը մաքրել այն ժամանակ, երբ հաճախորդը դեռ ուտում է, քննադատել այցելուների ընտրությունը, անծանոթ մարդկանց նստեցնել իրար կողքի և նույնիսկ հրաժարվել է պատառաքաղներ տալ:
Ֆունգի անունը հայտնի դարձավ այն բանից հետո, երբ նշանավոր լրագրող Հերբերտ Քաենուն գրեց նրա մասին: Հենց նա էլ Ֆունգին տվել է «աշխարհի ամենակոպիտ մատուցողի» կոչումը: Քաենուն հաճախ էր գալիս այդ ռեստորան և զրուցում մատուցողի հետ, որից հետո գրում էր այդ զրույցների մասին:
Ֆունգը դարձել էր նաև «Քաղաքային պատմություններ» գրքերի շարքի հերոսը, որոնց հեղինակը գրող Արմիստեդա Մոպինան է:
