Հոնկոնգի հինգաստղանի հյուրանոցում հեռուստացույցի անսարքությունը հրդեհի պատճառ է դարձել

Հոնկոնգի հյուրանոցներից մեկում շաբաթ առավոտյան հրդեհ է բռնկվել, որի հետևանքով շենքից տարհանվել է առնվազն 300 մարդ:

Ինչպես հաղորդում է Xinhua գործակալությունը՝ վկայակոչելով հրշեջներին, հրդեհը բռնկվել է Harbor Grand հյուրանոցի 38-րդ հարկում՝ հեռուստացույցի անսարքության պատճառով: Կարճ ժամանակում կրակը տարածվել է շենքի ստորին հարկերում:

Հրշեջներին հաջողվել է 4 ժամվա ընթացքում մարել կրակը: Դեպքի հետևանքով տուժածներ չկան: