Աշխարհահռչակ դիզայներ Ռոբերտո Կավալլին հայտնել է, որ իրեն դուր չի գալիս ամերիկյան նորաձևությունը:
Daily Mail-ը գրում է, որ D հեռուստաալիքով հեռարձակված հարցազրույցի ժամանակ դիզայներն իր բարկությունն է հայտնել ամերիկյան նորաձևության արդյունաբերության նկատմամբ:
Կավալլին ասել է. «Նայեք ամերիկյան նորաձևությանը, որը գրեթե նորաձևություն է: Այն սարսափելի է, և հնարավոր չէ անգամ նրան նայել»:
Կավալլին ավելացրել է, որ տեսնում է, թե ինչպես են երիտասարդներն ավարտում դիզայներական դպրոցները, բայց մնում են մինիմալիստ, ինչպես իրենց դասախոսները, ովքեր հաճախ մոռանում են արվեստի մասին:
