Երկրի վրա հերթական սառցե դարաշրջանը տեղի կունենա 10-12 հազար տարի հետո: Այս մասին հայտարարել է ռուս գիտնական, անտարկտիդյան աշավախմբի մասնակից Վլադիմիր Լիպենկովը, ով ապրիլի 19-ին արշավախմբի մյուս անդամների հետ հանդիպել է ՌԴ վարչապետ Վլադիմիր Պուտինի հետ:
Զրույցի ընթացքում գիտնականները երկրի ղեկավարին պատմել են Անտարկտիդայում ռուսական «Վոստոկ» կայանում կատարված հետազոտությունների մասին:
Հորատման տեխնոլոգիայի միջոցով մասնագետները հետազոտում են Երկրում վերջին մի քանի հազար տարում կատարված կլիմայական փոփոխությունները:
Լիպենկովի խոսքով` մարդկությունը ներկայում ապրում է ամենաերկարատև` մինչսառցե դարաշրջանում:
«Միայն 400 հազար տարի առաջ Երկրի օրբիտալ պարամետրերը այնպիսին էին, ինչպիսին Գոլոցենեում (այնտեղ եղել է մինչսառցեդարաշրջանային ամենաերկար շրջանը` 28 հազար տարի)»,- ասել է Լիպենկովը: Նա հենց այս շրջանն է նմանեցրել կլիմայական պատմության ներկայիս շրջանի հետ: Ընդ որում` նա նշել է, որ մարդկությունը ապրել է մինչսառցեդարաշրջանային շրջանի առաջին փուլը:
«Մենք դեռ 10-12 հազարտարի այսպիսի նորմալ վիճակում կգտնվենք` առանց Համաշխարհային օվկիանոսի մակարդակի ու ջերմաստիճանի կտրուկ տատանումների»,- ասել է Լիպոնկովը:
Պուտինի այն հարցին` ինչ է սպասվում Երկրագնդին դրանից հետո, գիտնականը նշել է, որ սառցե դարաշրջանն անխուսափելի է, ու որ 10-12 հազար տարի հետո սկսվելու է նոր սառցակալումը: Այս մասին հաղորդում է interfax գործակալությունը:
