Թիվ 1 ընտրատարածքում «ժառանգություն» խմբակցության ղեկավար Ստյոպա Սաֆարյանի մրցակիցը իշխանական թևից ՀՖՖ նախագահ Ռուբեն Հայրապետյանն է:
Aravot.am-ի հարցին` Ձեր շանսերն ինչպե՞ս եք գնահատում այն պարագայում, երբ ողջ իշխանական ռեսուրսներն օգտագործվելու են Ռուբեն Հայրապետյանի համար՝ Ստյոպա Սաֆարյանը պատասխանել է.
«Ես ուզում եմ շատ համեստ լինել. ես հավաքելու եմ շատ մեծաթիվ ձայներ: Ուղղակի այս պահին աշխատում եմ այնպես անել, որ դա վերածվի հաղթանակի»: Իսկ ճի՞շտ Է, որ Ռուբեն Հայրապետյանին կանչել են Ձեզ արժանի մրցակից լինելու համար՝ նա պատասխանեց.
«Անհամեստ գտնվեմ. նախորդ թեկնածուն, որ առաջադրել էր ՀՀԿ-ն, այո, շատ առումներով զիջում էր՝ և՛ ճանաչելիության առումով, և՛ սիրված լինելու առումով»:
Թերթի հարցին՝ այսինքն՝ Ռուբեն Հայրապետյանը սիրվա՞ծ Է՝ նա պատասխանել է.
«Ճանաչելիությունը և ռեսուրսներ ունենալն այլ խնդիր են լուծում: Եվ հետևաբար ես կարող եմ ՀՀԿ-ի որոշման փոփոխությունը պայմանավորել դրանով, որովհետև արդեն բավականին ռիսկային վիճակ Էր ստեղծվել թիվ 1 ընտրատարածքում:
Եվ եթե, ասենք, չլիներ մեկը, որը կարողանար ամբողջ ցանցը վարչական լծակների աշխատեցներ, իսկ նախկին թեկնածուն, ես վստահ եմ, դա ի զորու չէր անել, որովհետև բնականաբար՝ չիմանալով մոտենում էր իմ մերձավորներին, ասում էր՝ կօգնե՞ք ինձ: Վստահ եմ, որ դրա համար վերագնահատվեց իրավիճակը և առաջադրվեց Ռուբեն Հայրապետյանը»:
