Թուրքական Doğan լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը երեկ Ստամբուլում մասնակցել է Trump Towers երկնաքերի բացման արարողությանը: Էրդողանը շրջել է նրա խանութներում, որոնցից մեկում գրքեր է գնել:
Էրդողանի գնած գրքերի թվում են հայտնվել լրագրող Թահա Աքյոլի «Աթաթուրքի հեղափոխական օրենքը» և «Թուրքեր ու հայեր. Համատեղ ցավ 1915» գրքերը, ինչպես նաև Թահա Աքյոլի և Այդըն Մենդերեսի համատեղ հեղինակած «Իմ հայր Ադնան Մենդերես» գիրքը: Բացի այդ, Էրդողանը գնել է թուրք հայտնի լրագրող ու վերլուծաբան Մեհմեդ Ալի Բիրանդի «Փետրվարի 28. Վերջին հեղաշրջում» գիրքն ու արտգործնախարար Ահմեդ Դավութօղլուի «Ռազմավարական խորություն» գիրքը: